نشرة اخبار ماركيتنج بالعربي

نشرة اخبار ماركتنج بالعربي الأسبوعية

في ماركتنج بالعربي مهتمين انك تكون عارف كل جديد واهم الاخبار اللي حصلت في عالم الديجيتال ماركتنج كل أسبوع، ونساعدك انك تكون اول حد عارف ومواكب كل تحديث بيحصل. عشان كده احنا هنوضح لك أهم التحديثات اللي حصلت الاسبوع ده:

يعلن واتس اب عن أدوات إعلانية للعلامات التجارية:

يضيف واتس اب بعض الأدوات الإعلانية اللي هتساعدك تستفيد من أنك تستخدم الرسائل المتزايدة، وكمان أضاف ميزة الإعلانات المدفوعة على فيس بوك وانستجرام من غير ما تستخدم حسابك على فيس بوك، كمان أضاف ميزة إرسال الرسائل التسويقية للعملاء المهتمين بعلامتك التجارية واللي بتقدمه من منتجات أو خدمات.

لينكدان يختبر إنشاء منشورات بالذكاء الاصطناعي:

لينكدان أضاف ميزة جديدة تحت الاختبار وهي خاصية كتابة المنشورات على المنصة بمساعدة الذكاء الاصطناعي، يعني بعد ما تكتب أفكارك هتقدر تستخدمها لعمل AI Draft للمنشور اللي هتقدر تشاركه مع الناس. بالتالي الميزة دي ممكن تساعدك انك توسع نطاق معارفك وهتزيد نسبة ظهورك في نتائج البحث على لينكدان وهتقدر تبني مجتمع كبير فيه علاقات كتير من الناس بمختلف الخبرات المهنية.

أعلن مارك زوكربيرج عن ميزة جديدة في واتساب:

تقدر دلوقتي تشارك كل ما يخص محادثاتك " chats" على واتساب إلى موبايل تاني عن طريق الـ QR Code، واطمن مش هتتأثر الـ Chats الخاصة بيك على الجهاز الأصلي.

يضيف انستجرام ميزة جديدة للحسابات:

يعمل انستجرام على إضافة خاصية جديدة وهي Account Recommendation للحسابات وهي انها تعمل على توصية المحتوى الخاص بيك للمستخدمين على انستجرام وبالتالي فرصة ظهور محتواك بتكون أكبر وهتقدر تحقق نتائج احسن ليك.

بعد ما عرفت التحديثات الجديدة، يا تري ايه اكتر تحديث مهم و اثار انتباهك اكتر؟

لو حابب تعرف كل التحديثات اللي بتحصل اول بأول تابع مقالاتنا كل يوم في ماركتنج بالعربي عشان تتابع كل جديد وعشان تعرف ازاي تعمل اعلان على فيس بوك و لو عايز البيزنس بتاعك يكبر ومحتاج احسن شركة تسويق الكتروني وعايز تعرف اكتر عن مجال الديجتال ماركتنج كل ده واكتر وضحناه في مقالاتنا السابقة. بنشجعك انك متترددش تكتب كومنت وتسألنا على أى حاجة هنرد عليك فورا. كمان قولنا في الكومنتات ايه اكتر تحديث من دول مهم بالنسبة لك وايه التحديث اللي شايف انه مش مهم؟